Chandra Gochar 2025 : ज्योतिषशास्त्रात चंद्राचा गोचर अत्यंत महत्त्वाचा मानला जातो. चंद्र हा सर्वात वेगाने हालचाल करणारा ग्रह असल्याने त्याचे राशी व नक्षत्रातील परिवर्तन मानवी जीवनावर मोठा परिणाम घडवून आणते. पंचांगानुसार, येत्या ७ सप्टेंबर रोजी रात्री ९ वाजून ४० मिनिटांनी चंद्रदेव कुंभ राशीत प्रवेश करणार असून, याच वेळी ते पूर्वाभाद्रपद नक्षत्रात गोचर करतील. या खास गोचराचा प्रभाव काही राशींवर शुभ पडणार असून, कर्क, तूळ आणि कुंभ राशीच्या व्यक्तींना या काळात करिअरमध्ये मोठं यश, आर्थिक लाभ आणि आनंदाचे क्षण अनुभवता येणार आहेत. Chandra Gochar 2025
चंद्राच्या या प्रवेशामुळे विशेषतः कर्क राशीवाल्यांना मोठा फायदा होणार आहे. मनातील अपूर्ण इच्छा पूर्ण होण्याचा मार्ग मोकळा होईल. गुंतवणुकीसाठी हा काळ अत्यंत फायदेशीर ठरेल. स्पर्धा परीक्षेची तयारी करणाऱ्यांना यशाची गोड चव चाखता येईल. नोकरी करणाऱ्यांना कामाच्या ठिकाणी सकारात्मक बदल दिसून येतील, तर अविवाहितांसाठी विवाहाच्या अनेक संधी उपलब्ध होतील. एकंदरीत, कर्क राशीचा हा काळ शुभफळदायी ठरणार आहे.
तूळ राशीसाठी हा गोचर अतिशय शुभ संकेत घेऊन येतो. आर्थिक अडचणी दूर होतील, अडकलेली कामे पूर्ण होतील आणि आत्मविश्वास वाढेल. कुटुंबात सुख-समाधानाचे वातावरण असेल. पदोन्नतीची संधी निर्माण होईल आणि नवीन नोकरीच्या शोधात असणाऱ्यांना उत्तम संधी मिळू शकते. या काळात प्रवासाचे योग आहेत. आर्थिक स्थिती मजबूत होऊन जीवनात समाधान लाभेल.
कुंभ राशीच्याही व्यक्तींसाठी हा गोचर अत्यंत लाभदायी ठरणार आहे. आत्मविश्वासात वाढ होईल, आनंददायी वार्ता मिळतील आणि समाजात मान-सन्मान वाढेल. घरात शुभकार्यांचे वातावरण निर्माण होईल. आरोग्याच्या समस्या दूर होतील आणि मानसिक तणावातून सुटका होईल. परदेशात जाण्याचे योग या काळात संभवतात. वैवाहिक जीवनात सौहार्द आणि आनंद वाढेल.
एकंदरीत, ७ सप्टेंबरचा चंद्राचा कुंभ राशीत प्रवेश हा काही राशींसाठी सुवर्णसंधीचा काळ ठरणार आहे. कर्क, तूळ आणि कुंभ राशीचे लोक या काळात करिअर, आर्थिक व्यवहार आणि वैयक्तिक आयुष्यात मोठं यश मिळवतील.
(टीप : वरील माहिती ही ज्योतिषीय गणनेवर आधारित असून, यावर पूर्ण श्रद्धा ठेवावी अथवा न ठेवावी हा वैयक्तिक निर्णय आहे.)