DA Hike 2025 : हरियाणा राज्यातील लाखो सरकारी कर्मचारी आणि निवृत्त कर्मचारी यांच्यासाठी आजची सकाळ चांगली आनंदाची ठरली आहे. कारण राज्य सरकारने महागाई भत्त्यात वाढ जाहीर केली असून महिन्योनमहिने महागाईचा तडाखा सहन करणाऱ्या कुटुंबांना आता थोडासा दिलासा मिळणार आहे. बाजारात घरगुती खर्च चढत चालला आहे, सिलिंडरपासून लेकरांच्या शिक्षणापर्यंत प्रत्येक गोष्टीचे दर वाढत आहेत, अशा वेळी पगारात आलेली ही वाढ अनेकांच्या घरखर्चाला थोडासा हातभार लावणार हे नक्की.DA Hike 2025
सरकारने पाचव्या वेतन आयोगानुसार पगार घेणाऱ्या कर्मचार्यांचा महागाई भत्ता ८ टक्क्यांनी वाढवून ४६६ वरून ४७४ टक्के केला आहे. ही वाढ १ जुलै २०२५ पासून लागू मानण्यात आली असून जुलै ते ऑक्टोबर या चार महिन्यांचा एरियर एकत्र देण्यात येणार आहे. म्हणजे डिसेंबरमध्ये जेव्हा पगार खात्यात येईल, तेव्हा त्यात वाढलेला पगार आणि चार महिन्यांचे बाकी पैसे दोन्ही मिळणार आहेत. याबाबतचे आदेश राज्याचे मुख्य सचिव अनुराग रस्तोगी यांनी जारी केले आहेत.
फक्त पाचवाच नाही तर सहावा वेतन आयोग मिळणाऱ्या कर्मचार्यांचाही महागाई भत्ता काही दिवसांपूर्वी वाढवण्यात आला होता. या कर्मचार्यांचा भत्ता ५ टक्क्यांनी वाढून २५२ वरून २५७ टक्के झाला आहे. या वाढीचाही लाभ १ जुलैपासून देण्यात येणार असून चार महिन्यांचा एरियर डिसेंबरमध्ये एकत्र जमा होणार आहे.
यापूर्वी दिवाळीच्या अगोदर सातव्या वेतन आयोगाचा लाभ घेणाऱ्या सहा लाखांहून अधिक कर्मचारी आणि निवृत्त कर्मचार्यांचा महागाई भत्ता ३ टक्क्यांनी वाढवण्यात आला होता. त्यामुळे ५५ टक्के असलेला भत्ता आता ५८ टक्क्यांवर पोहोचला. ग्रामीण भागात काम करणाऱ्या शिक्षकांना, पोलिसांना, आरोग्य कर्मचाऱ्यांना या वाढीचा थेट फायदा मिळाला आणि सणासुदीला घरखर्चाला थोडा हातभार मिळाला होता.
सरकारी पगारधारकांसाठी महागाई भत्ता म्हणजे नेमकं काय?
तर महागाई दर वाढत गेला की घरखर्चही वाढतोच. त्याचा तडाखा थेट पगारावर बसू नये म्हणून सरकार वेळोवेळी हा भत्ता वाढवत असते. देशातील महागाईचा दर आणि ग्राहक मूल्य निर्देशांकावर याची गणना केली जाते. केंद्र सरकार वर्षातून दोनदा भत्त्यात बदल जाहीर करते आणि त्यानंतर राज्ये आपले निर्णय घेतात. या भत्त्यामुळे कुटुंबाच्या रोजच्या खर्चात थोडी स्थिरता येते.
सरकारकडून जारी केलेल्या आदेशानुसार, भत्त्याच्या रकमेचे गणित करताना ५० पैसे किंवा त्यापेक्षा जास्त रक्कम पुढच्या रुपयात वाढवली जाते, तर ५० पैशांपेक्षा कमी रक्कम गृहित धरली जात नाही. ग्रामीण भागात काम करणाऱ्या कर्मचारीवर्गाला हे नियम नेमके समजत नसल्याने अनेकदा गोंधळ होतो, पण हा पगार वाढीचा सरळ आणि जुना नियम आहे.
एकूणच काय तर महागाईच्या सततच्या मारामारीत थोडासा का होईना दिलासा मिळायला हरियाणातील सरकारी कर्मचार्यांना सुरुवात झाली आहे. डिसेंबरच्या पगारात वाढीव रक्कम येणार असल्याने घरखर्च आणि दिवाळीनंतरची आर्थिक तारेवरची कसरत थोडी सुलभ होणार आहे.
(Disclaimer: वरील दिलेली माहिती ही प्रसारमाध्यमांच्या आधारे आहे याबाबत आम्ही कुठलाही दावा करत नाही)