Horoscope Today Astrology | आकाशातली प्रत्येक घटना ही आपल्यावर काहीतरी परिणाम घडवून आणते, असं आपल्या पूर्वजांचं मत होतं. आजच्या पिढीत अनेकजण विज्ञानावर विश्वास ठेवतात, पण तरीही ग्रह-ताऱ्यांच्या हालचालीकडे पाहिलं की मनात एक वेगळीच उत्सुकता निर्माण होते. येत्या दिवसांत अशीच एक दुर्मिळ घटना घडणार आहे. चंद्रग्रहणाच्या काळात शनीची वक्री अवस्था. Horoscope Today Astrology
हे योगायोगानं होणारे संयोग साधे नसतात. पिढ्यानपिढ्या ज्योतिषी सांगत आलेत की, शनी वक्री झाला की माणसाच्या कर्माशी, मेहनतीशी आणि जबाबदाऱ्यांशी संबंधित बदल घडतात. या वेळी चंद्रग्रहणही शनीच्या राशीत होणार आहे. त्यामुळे अनेकांना चिंता वाटते की काहीतरी वाईट घडेल का? पण नाही राव, सगळ्यांसाठी नाही. उलट काही राशींना हा काळ मोठा लाभदायक ठरणार आहे.
मिथुन राशी (Gemini): मेहनतीचं सोनं होणार
मिथुन राशीच्या लोकांनी जर मागच्या काही महिन्यांत खूप मेहनत घेतली असेल, तर या काळात त्याचा गोड परिणाम दिसून येईल. करिअरमध्ये नवा प्रोजेक्ट मिळण्याची शक्यता आहे. व्यापाऱ्यांना नवीन सौदे जुळून येतील. पैशाच्या बाबतीत चांगला फायदा होईल आणि अचानक एखादी जबाबदारी सोपवली गेली तरी ती निभावण्याची ताकद तुमच्यात येईल. खरंतर हा काळ तुमच्या कामाची ओळख निर्माण करणारा ठरेल.
वृश्चिक राशी (Scorpio) : कुटुंबात समाधान, पैशात वाढ
वृश्चिक राशीच्या लोकांसाठी शनी पंचम भावातून वक्री आहेत. याचा अर्थ असा की, तुमच्या घरात आनंद वाढेल. संततीसुख मिळण्याची शक्यता आहे. ज्यांना मुलांच्या शिक्षणाबाबत चिंता होती त्यांना समाधान मिळेल. पैशाचे स्त्रोत अचानक वाढतील, कुणीतरी जुनी थकबाकी परत करेल, तर कुणाला नवा व्यवसाय सुरू करण्याची संधी मिळेल. कुटुंबासोबत घालवलेला वेळ मनाला समाधान देईल.
मीन राशी(Pisces): नाव, मान-सन्मान आणि भागीदारीत यश
मीन राशीच्या लोकांसाठी हा काळ अगदी सोन्यासारखा आहे. शनी लग्नभावातून वक्री आहेत, त्यामुळे तुमची लोकप्रियता वाढेल. गावकुसात, समाजात, कामाच्या ठिकाणी लोक तुमचं कौतुक करतील. कुणाशी जर तणाव असेल तर तो मिटून नात्यात सुधारणा होईल. जोडीदारासोबतचे संबंध गोड होतील. भागीदारीत असलेले व्यवसाय फायद्यात जातील आणि समाजात तुमची ओळख वेगळी निर्माण होईल.
(Disclaimer: वरील दिलेली माहिती ही प्रसारमाध्यमांच्या आधारे आहे याबाबत आम्ही कुठलाही दावा करत नाही.)