Namo Shetkari Yojana: गेल्या काही दिवसांपासून महाराष्ट्रातील लाखो शेतकऱ्यांच्या मनात एकच उत्सुकता धुमसत होती “नमो शेतकरी महासन्मान निधीचा पुढचा म्हणजे आठवा हप्ता नेमका कधी येणार?” कारण हातात पीक काढणीचा हंगाम, घरात दिवाळी-छोटे मोठे खर्च, आणि रोजच्या जगण्याची धावपळ सुरूच. अशातच केंद्र सरकारने 19 नोव्हेंबर रोजी पीएम किसान योजनेचा 21 वा हप्ता शेतकऱ्यांच्या खात्यात जमा केला, आणि त्यानंतर सारे लक्ष वळलं ते राज्याच्या नमो योजनेकडे.Namo Shetkari Yojana
ग्रामीण भागात तर ही चर्चा अजून जोरात चहाच्या टपरीवर, बाजारात, गावच्या चौकात… सगळीकडे एकच प्रश्न, नमोचा पैसा कधी जमा होणार रे? कारण महाराष्ट्रातील शेतकऱ्यांसाठी या दोन योजनांचा एकत्रित लाभ म्हणजे मोठा आधार. पीएम किसानचे 6 हजार आणि नमो योजनचे 6 हजार असे एकूण 12 हजार रुपयांचे वार्षिक साहाय्य अनेक कुटुंबांच्या जगण्यात फरक घडवत आहे.
राज्यातील शेतकऱ्यांना नमोचे आतापर्यंत सात हप्ते मिळाले असून, आता आठव्या हप्त्याबाबतची उत्सुकता अगदी टोकाला पोहोचली होती. मध्यंतरी काहींचं म्हणणं होतं की पीएम किसानचा 21 वा हप्ता जसा जमा झाला, तसाच नमोचाही आठवा हप्ता एकत्रच जमा होईल. पण राज्य शासनाकडून त्याबाबत तत्काळ कुठलीही घोषणा झाली नाही, त्यामुळे शेतकऱ्यांच्या मनात तगमग निर्माण झाली होती.
मात्र आता समोर आलेल्या ताज्या माहितीनुसार राज्य सरकार पीएम किसानचा हप्ता येताच नमो योजनेच्या लाभार्थ्यांची अद्ययावत यादी केंद्राकडून मागवते. ती यादी मिळाल्यानंतरच पुढचा हप्ता वितरित करण्याची प्रक्रिया औपचारिकरीत्या सुरू होते. त्यामुळे मोठ्या संकेतांनुसार नमोचा आठवा हप्ता डिसेंबर महिन्यात कधीही जमा होऊ शकतो, अशी शक्यता प्रबळ मानली जात आहे.
काही मीडिया रिपोर्ट्स तर सांगतात की सध्या काही ठिकाणी स्थानिक स्वराज्य संस्थांच्या निवडणुका लागल्याने आचारसंहिता लागू आहे. त्यामुळे सरकार थेट घोषणा करण्यापासून दूर राहण्याची शक्यता आहे आणि आचारसंहिता उठल्यानंतरच अंतिम मंजुरी दिली जाईल असं म्हटलं जात आहे. तरीही शेतकऱ्यांचा उत्साह मात्र कमी झालेला नाही कारण पीएम किसानचा हप्ता जमा झाल्यानंतर नमोचा हप्ता लांब कधी जात नाही अशी गेल्या काही महिन्यांचीच पद्धत आहे.
आजही अनेक गावांमध्ये शेतकरी मोबाईलवर मेसेज पाहत आहेत, बँक खातं तपासत आहेत, आणि आशेने उभे आहेत कारण हा आठवा हप्ता त्यांच्या घरखर्चाला, रब्बी पेरणीला, खते-बियाण्यांसाठी, किंवा एखाद्या घरातील लहानसहान गरजांसाठी एक हातभार ठरणार आहे. राज्यातील लाखो शेतकरी या योजनेवर अनेक गोष्टींसाठी अवलंबून आहेत आणि म्हणूनच प्रत्येक हप्त्याची प्रतीक्षा त्यांच्यासाठी फार महत्त्वाची असते.
अद्याप शासनाकडून अधिकृत घोषणा झाली नसली तरी डिसेंबर हा महिना शेतकऱ्यांसाठी गोड ठरण्याची शक्यता नक्कीच आहे. आता फक्त राज्य सरकारकडून नवा आदेश कधी येतो याकडे सगळ्यांचे लक्ष लागले आहे.
(Disclaimer: वरील दिलेली माहिती ही प्रसारमाध्यमांच्या आधारे आहे याबाबत आम्ही कुठलाही दावा करत नाही.)