SBI Bank News : स्टेट बँक ऑफ इंडिया म्हणजे भारतातील लाखो-कोट्यवधी लोकांची बँक. आज जवळपास प्रत्येक घरात कोणा ना कोणाचे SBI मध्ये खाते असते आणि त्यामुळे SBI काय बदल करते याच्याकडे सगळ्या देशाचे लक्ष असते. विशेषत: डिजिटल व्यवहाराच्या युगात, मोबाईलवरून पैसे पाठवणे, स्वीकारणे, UPI वापरणे या गोष्टी सामान्य माणसाच्या रोजच्या जगण्यात मिसळून गेल्या आहेत. त्यातच आता SBI कडून एक मोठं अपडेट समोर आलं असून 1 डिसेंबर 2025 पासून होणाऱ्या बदलाचा थेट परिणाम सामान्य ग्राहकांवर होणार आहे. बँकेने जाहीर केलेली माहिती पाहता अनेकांना हा निर्णय थोडा धक्का देणारा ठरू शकतो.SBI Bank News
गेल्या काही वर्षांत SBI ने ग्राहकांसाठी विविध डिजिटल सुविधा सुरू केल्या होत्या. त्यात ‘mCASH’ ही एक सुविधा मोठ्या प्रमाणावर वापरली जात होती. पण आता ही सुविधा कायमची बंद होणार आहे. बँकेने याबाबत अधिकृत माहिती देऊन सांगितले आहे की 30 नोव्हेंबर 2025 हा शेवटचा दिवस असेल. त्यानंतर ही सुविधा पूर्णपणे हटवण्यात येईल आणि ग्राहकांना mCASH चा वापर करता येणार नाही. हे सगळं अचानक का? कोणता बदल होतोय? आणि याचा थेट परिणाम तुमच्यावर काय होईल? ग्रामीण भागात असलेल्या सामान्य खातेदारांना याचा कसा त्रास किंवा फायदा होणार? हे सगळं शांतपणे, सोप्या भाषेत, आपल्या फ्रेममध्ये सांगतो.
mCASH म्हणजे नेमकं काय होतं?
अनेकांना अजूनही प्रश्न पडतो की mCASH नेमकी कोणती सेवा होती? UPI आणि मोबाइल बँकिंगमुळे ही सेवा बाजूला पडली होती, पण तरीही अनेकांना तिचा उपयोग होत होता.
mCASH सुविधा म्हणजे तुमच्याकडे समोरच्या व्यक्तीचा फक्त मोबाइल नंबर किंवा ईमेल आयडी असला तरी त्याला पैसे पाठवता येत होते. UPI येण्याआधी ही सुविधा अनेकांसाठी खूप उपयुक्त होती, विशेषत लहान व्यवहारासाठी तातडीने पैसे पाठवण्यासाठी समोरच्या व्यक्तीचा खाते क्रमांक माहिती नसल्यास OTP किंवा QR कोडची गरज नसल्यास UPI इतका लोकप्रिय नसताना mCASH ला मोठा प्रतिसाद मिळाला होता. आजही काही लोक छोटे व्यवहार याचद्वारे करत होते.
SBI ने सेवा बंद करण्याचा निर्णय का घेतला?
mCASH हे जुने तंत्रज्ञान वापरून तयार करण्यात आले होते. सध्याच्या UPI, इंटरनेट बँकिंग, योनो सारख्या आधुनिक सिस्टीमच्या तुलनेत ही सेवा तांत्रिकदृष्ट्या मागे पडत चालली होती. बँकेनुसार
नवीन सिस्टीमशी याचे इंटिग्रेशन कठीण होत होतं सिक्युरिटी अपडेट्स देणं अवघड झालं UPI सारखी जलद व सुरक्षित सुविधा उपलब्ध असल्याने mCASH ची गरज कमी झाली ग्राहक वापर कमी झाला तांत्रिक देखभाल खर्च वाढला म्हणून बँकेने ही सेवा कायमची बंद करण्याचा निर्णय घेतला. हे बदल आता फक्त तांत्रिक नसून ग्राहकांच्या अनुभवाशी देखील जोडलेले आहेत.
ग्राहकांवर नेमका काय परिणाम होणार?
बँकेच्या या निर्णयामुळे काही ग्राहकांना सुरुवातीला अडचण जाणवू शकते. विशेषतः ग्रामीण भागात किंवा ज्या लोकांना अजूनही mCASH चा वापर सोयीचा वाटतो, त्यांना आता पर्याय शोधावा लागेल.
१) mCASH वर अवलंबून असणाऱ्यांना अडचण
ज्यांना मोबाइल नंबर टाकून लगेच पैसे पाठवायची सवय होती, त्यांना आता UPI किंवा इंटरनेट बँकिंगचा वापर करावा लागेल.
२) लहान व्यवहारांसाठी पर्याय शोधावा लागेल
mCASH छोटे व्यवहार करण्यासाठी अत्यंत उपयुक्त होतं. आता ते लहान व्यवहार UPI द्वारे करतील.
३) जुन्या फोन वापरणाऱ्यांना त्रास
नवीन UPI अॅप्स चालत नाहीत, नेटवर्क कमी असतं, अशा भागात mCASH खूप उपयोगी होतं. आता त्यांना पर्याय नसणार.
४) OnlineSBI आणि YONO Lite वापरणाऱ्यांवर परिणाम या दोन प्लॅटफॉर्मवरून mCASH सेवा बंद होणार असल्याचे बँकेने स्पष्ट केले आहे. त्यामुळे ज्यांना ‘योनो लाइट’ सोपं वाटतं त्यांना आता UPI ला सराव करावा लागेल.
काही ग्राहकांना फायदा देखील होणार होय, फायदा देखील आहे. कारण mCASH जुन्या तंत्रज्ञानावर चालत असल्याने सुरक्षा कमी होती. आता ती सेवा हटवल्यामुळे फसवणूक कमी होई तंत्रज्ञान अधिक सुरक्षित असेल UPI जलद व विश्वसनीय असल्याने ग्राहकांचा अनुभव अधिक चांगला होईल
UPI पर्याय आधीच मजबूत झालेत आज जवळपास सर्व गावांत, बाजारांत, शहरांत UPI सर्वात सोपा पर्याय झाला आहे. Google Pay, PhonePe, Paytm, YONO UPI सगळ्यांत व्यवहार २ सेकंदांत होतो. त्यामुळे mCASH चा वापर आपोआप कमी झाला होता.
ग्राहकांनी काय करावे?
SBI ची सूचना SBI ने स्पष्ट सांगितलं आहे की: 30 नोव्हेंबरपर्यंत mCASH चा वापर करा त्यानंतर कोणताही व्यवहार शक्य नाही mCASH वर पाठवलेले पैसे क्लेम करता येणार नाहीत ग्राहकांनी UPI किंवा नेटबँकिंग वापरायला सुरुवात करावी योनो अॅप अपडेट करून वापरावे
SBI कडून येणारा हा बदल सामान्य ग्राहकांना सुरुवातीला थोडा अवघड वाटेल, पण डिजिटल युगात जुन्या सुविधा हटवून नवीन तंत्रज्ञान स्वीकारणे आवश्यक आहे. ग्राहकांनी काळजी न करता UPI सारखा सुरक्षित पर्याय वापरायला सुरुवात केली तर व्यवहार अधिक सोपे, जलद आणि सुरक्षित होतील.
( Disclaimer: वरील दिलेली माहिती ही प्रसारमाध्यमांच्या आधारे आहे याबाबत आम्ही कुठलाही दावा करत नाही)
हे पण वाचा | स्टेट बँक ऑफ इंडियाची खातेधारकांसाठी महत्त्वाची सूचना!